بشوف كتير على صفحات اصدقائي ناس بتسأل عن الحياة باوروبا ويلي لفت انتباهي الدخول بتفاصيل لا معنى لها ..
كل هاد وبيكون لسا قاعد بالبلد مو طالع من مكانو وبدو يعرف كل شي قبل ما يسافر: هي نقطة
النقطة التانية يلي عم يوصل لهون مو عرفان كيف يبلش ولاحتى عرفان معنى البلد يلي وصل إلو ..رغم انو قبل ما يوصل لهون بيكون خاطر بحياتو لحتى يوصل وبس وصل بتلاقيه تسكرت ابواب الدنيا بوجهو وما بقى يعرف كيف يعيش شبه يوصل لمرحلو يقول (هي هي اوروبا يلي كنت احلم فيها)
انا رح خاطب الاثنين معا
اول شي يلي قاعد هنيك نصيحة لاتسمع من اي انسان بالدنيا ..يعني ناوي تسافر اتكل ع الله وسافر ومابدي ناقش كيف وشلون بدك توصل ..تاني شي لو حابب تسمع اسمع من حدى يكون صادق وعايش بنفس البلد يلي انت ناوي تسافر عليه...لا تسمع من حدى عايش ببلد تاني ..القوانين تختلف من مدينة لمدينة باوروبا
النقطة التانية يلي رح ناقشها بشكل مفصّل ومطول ...ويتمنى هالبوست يوصل لاكبر عدد ممكن من الناس يلي اجو جديد على اوروبا لحتى يستفيدو ويطلعو من حالة الضيعان يلي عايشينو ...
اول شي وصولك لاوربا نعمة من نعم الحياة يلي رزقك فيها ربك وخاصة بهيك وقت لاسباب كتيرة :
1- الاجئ كانو يوصل (وانا رح احكي عن عام 2009 تحديدا وبداية 2010 ) وقت بيروح يقدم لجوء بيروح ومابيعرف حالو اي سنة ممكن تخلص وراقو ... رح اشرح هي النقطة : بعد ما تقدم لجوء تروح على سنتر للاجئين مؤمن فيه كل شي اكل ونوم وطبابة ومستشارة قانوينة مشان يحطولك محامي مجانا
يعني ما تحتاج تنام بشارع او تحتاج حدى باي شي. مريض بيعالجوك .. ومحامي يتابع قضيتكم مع وزارة الداخلية.. النقطة المهمة هون تعود إلك وطريقة اندماجك بالسنتر او الكامب ..اذا كنت انسان فهمان تستغل الوقت وتتعلم لغة ..حتى لو ما لقيت مدرسة قريبة عليك تقتدر تفتح نت وتتعلم ومليان مواقع تعليم لغات لكل بلد بالعالم ..شو ما تعملت منيح احسن ما تقعد وتفكر وتتقعد....كنا ننتظر سنين لحتى تجي المقابلة وممكن تنتظر سنين لحتى يجيك الجواب ( انتو حاليا عم تتذمرو من اشهر) مو عرفانين النعمة يلي انتو فيها ابدا ..انو حاليا الوقت يلي انت مو عاجبك هو نقطة مهمة جدا لتبلش حياتك بطريقة سريعة روتين الوقت كتير صعب ... انا مثلا سنة ونص لحتى اجتني مقابلة وبعدها قبول بنفس السنتر كان في ناس الها 4 سنين وناس صرلها 10 سنين تتاابع قضيتها وما خلصت
,,,,,, بقى الله يخليكم احمدو ربكم صباحبا مساء على كم شهر وتكون اقامتك بجيبك
النقطة التانية مسألة القبول والرفض ...كان على زماننا نسبة القبول ما تتعدي 10بالميه او اقل بكتير احيانا انا وشي 8 لاجئيين اخدنا قبول والعدد الاجمالي كان شي 250 لاجئ ...تصور يا رعاك الله ( حاليا مافي بلد عم يعطي رفض للسوري ) ...والله صادفت ناس بالمحكمة وقت اخدت القرار بالقبول صرلها 8 سنين و10 سنين و13 سنة وانا كنت معصب على اساس انو راح سنة ونص من عمري بالسنتر ما عملت شي وقت شفت مصيبة غيري سكتت وحمدت ربنا ....
بعد القبول تبلش حياة جديدة انا سميتها ... الولادة من جديد
وهي النقطة يلي شفتها عند الكل انو مو عرفان كيف يبلش ..هون في 3 اصناف من البشر ناس متعلمة وعندها شهادات وناس مو متعلمة بس يمكن يكون عندها مصلحة وناس لاتعليم ولا مصلحة... كل هدول فيهم يعيشو باروربا بكرامة ويشتغلو وبعد كم سنة يصير انسان منتج ويعيش احلى حياة باالعالم وكل واحد يقول اوروبا مافيها شغل بيكون كزاب وابن ستين كزاب .....
لكن هون طريقة تعاملك مع الحياة هي تحدد نسبة نجاحك ا..يعني بعد ما تاخد وراق يا ترى كيف بدك تبلش وكيف بدك تتعلم لغة وكيف بدك تبلش حياتك
شوف حبيبي رح اعطيك مثال صغير ...مافي حدى يولد من بطن امو متعلم لغة بلد ما انولد فيها .. لا انا جيت احكي انكليزي من ولدت ولا انت ولا اي حدى منا
في سؤال كتير مهم يا ترى لو اجا دكتور سويدي على بلدك وحابب يشتغل بمشفى وبدك تشغلو (اذا ما بيعرف يحكي عربي كيف رح يتفاهم مع المرضى) يمكن يعطي دواء لحالة مريض تسبب وفاتو ..صح وله غلطنا ؟؟ جاوبني انت يلي عم تقراء البوست ....بعرف رح تقول صح.. كمل البوست للاخر في مفاجاءة..
اهم خطوة تعملها هي انك تتعلم لغة البلد يلي وصلت إلو بغض النظر وين ما كنت وبغض النظر كم عمرك0كان معي ناس اعمارهم 55 سنة ..اللغة هي مفتاح البلد بكل شي .. اللغة هي انك انسان اعمى وبس تعلمت تصير انسان بصير تشوف كل شي بالبلد .. ..هي كرامتك( احسن ما تدق وتذل حالك على هاد تعال ترجملي وهاد خدني على المشفى واحيانا يرد عليك واحيانا لا....ألخ)
اول خطوة تحفظ كرامتك ..تاني خطوة تعتمد على نفسك بكل شي وهي الطريقة لحتى تكمل الخطوة يلي بعدها مشان تكمل حياتك....في ملاحظة هون بدي اعطيها لطريقة تعلم اللغة ..الكل بيفوت وبدو بعد شهرين او اربعة او احيانا 6 انو بدو يتعلم ويحكي ..وهاد غلط
مخ الانسان لحتى يستوعب لغة جديدة عليه بدو اقل شي 2 سنتين هاد اقل احتمال وطريقة الاستيعاب تختلف من شخص لاخر ... يعني مو معقول بدك من شهر واحد تتعلم لغة او حتى 6 هاد كلام انساه حبيبي ..يعني ممكن اقبل منك لو قلت سنة كاملة بالمدرسة اوك ..ممكن اذا كنت نشيط وعم تدرس وتحكي مع ناس يحكو نفس اللغة
(تعلمو لغة بيدونها ما فيكم تعملو شي ابدا)
تاني خطوة متل ما قلنا انو صنفنا يلي بيجو 3 اصناف
اول صنف:::: الانسان يلي اجا معو شهادة ...بعد ما تتعلم لغة في شي اسمو معادلة شهادة وهي بصراحة لقيتها صعبة وسهلة ..صعبة انو بدك تدرس مواد تابعة للفرع يلي انت دارسو وتنجح وبعدين يعدلو شهادتك .. حسب شطارتك بالشي يلي دارسو انت ....
وسهلة انو اذا حطيت ببالك هدف ..واشتغلت عليه ..رح توصل باذن الله وتتوظف بالمجال يلي انت اصلا كنت مختارو
يعني اي واحد عندو شهادة يعدلها ويسجل بمكتب العمل وما رح يقعد اكتر من شهر انا واثق
....
الصنف التاني يلي عندو مصلحة وما عندو شهادة ..في شغلة حلوة باروبا انو اي شي بدك تشتغلو لازم يكون عندك شهادة فيه وهي طريقة رائعة لحتى الشخص يحس حالو عامل شي بحياتو ( حتو لو بدك تكنس شارع) لازم تكون عاملة دورة
ببلجيكا مثلا في حوالي 10الاف مهنة وكل اوروبا نفس الشيئ ..لكن كيف رح تلاقيهم بعرف كلكم ضايعين وما حدى وصل ل5 مهن بعرف كتير منيح.....يا حباب وانت عم تدرس بالمدرسة يلي انت فيها لغة ..وهاد نظام موجود بكل اوروبا ...جنب غرفة الاستعلامات رح تلاقي دفاتر زغيرة مطبوعة لمدراسة مهنية ...تقدر تفتح اي ورقة تلاقي فيها عنوان المكان عالنت وخريطة كيف توصل لعندهم وشو الافرع الموجودة (شوبدك احسن من هيك) ..
هلئ ينط واحد يقلي عنا مافي ....لا في بس بدك تسأل .. وبتعرف تسال مين استاذ اللغة نفسو يلي عم يدرسك هو رح يدلك .... واغلب البلدان في اوروبا بس وصلت لمستوى 4 باللغة هم نفسهم يعرضو عليك ويسالوك شو هدفك من تعلم اللغة ....انت هون رح تقول هدفي مثلا اتعلم بدي عدل شهادتي ..او هدفي بدي اتعلم المصلحة الفلانية ...ألخ
..
تروح على المركز وتاخد كورس بمهنتك ان شالله دهان وتاخد شهادة (وتروح على مكتب العمل ) وبرجع بقول يمكن تقعد شهر او اثنين بيدون شغل واقل من هيك لا ومستحيل كمان ..في مهن الشركات تبعها تروح عالمدراس تعرض عليك عمل وانت لساتك ما خلصت الكورس يلي عم تدرسو
الصنف التالت يلي لا شهادة ولا مصلحة (( والله العظيم انت احسن من الاثنين يلي فوق )) وما عم امزح رح قلك كيف انو انت احسن من الكل لنفرض وصلت بكالوريا بسوريا وجيت لهون يعني لا شهادة اخدت ولا مصلحة تعملت ..اي كتير حلو ....انت تفكر ابو الشهادة او المصلحة احسن منك لا عيني انت احسن من الاثنين ورح اشرحلك وادعيلي
بعد ما تتعلم لغة متل ما حكينا فوق وتحط هدف قدام عينك انو انت شو حابب تتعلم شو حابب تكون بحياتك ...اختار شي بتحبو (( وانا شخصيا انصح كل يلي بيجي على اوروبا يدرس مجال البرمجيات والكمبوتر والانترنيت ))) في نقص بكل دول اوروبا بهيك مجال وخاصة انو الحياة هون كلها عالنت ....
عندك مرشدة اجتماعية اكيد من المكان يلي بيعطوك فيه راتبك ..هي بتدلك وين المراكز يلي انت اخترها ..او من مدرستك او من مكتب العمل تروح لعندهم تقلهم انا ما عندي مهنة وحابب اتعلم ..يعني كل الابواب مفتوحة قدامك .... تتعلم وتتدرس وبعدين تشتغل
(( الوقت يلي بيروح وانت عم تتعلم لغة وبعدين مهنة هاد وقت مقدس .مو وقت ضايع متل انت ويلي حواليك عم تحكو ..هي ولادة جديدة انك تعلمت وصار عندك شهادة وان شالله تطول 4 سنين بهيك خطة مو مشكلة بس انت هون ضمنت مستقبلك وتغيرت حياتك لحياة افضل ..)))
هي كل القصة ....سهلة جدا .... وخطوات واقعية مافيها احلام... واي واحد عايش هلئ باروبا بيقدر يتأكد من هاد الكلام ...
(( انت مضيع حالك وهي مشكلتك ....بس لقيت حالك ..انت لحالك رح تنجح))
( كل هاد الوقت وراتبك المعيشي عم تقبضو ومواصلات مجانا وطبابة مجانا ..ودراسة مجانا )
شو بدكم احسن من هيك بدي افهم ...عم يقدمولك كل شي لحتى تصير بني ادم ...وانت مو رضيان ؟؟
حابب ترجع روح ارجع يمكن انت اخد مكان لشخص بيستاهلو اكتر منك ...
ملاحظة زغيرة: في بعض الكورسات البرمجية يلي انت تاخدها هون مجانا ومانك عاطي قيمة الها في ناس جايين من برى اوروبا يتعلمو ويدفعو على نفس الفرع يلي انت عم تتعلمو الاف الدولارات ...... شفت احد الافرع للغريب ب 35 الف يورور والي انا مجانا .... احمدو ربكم واشكروه وحاولو تبثو روح الامل بالشخص يلي بيجي جديد وتنصحو .....
يا عمي هي اوروبا مو لبنان بتحط الشنتايه على ضهرك بتوصل بتلاقي مطعم تشتغل فيه او ورشة باطون ...هي دول متقدمة جدا ..اذا انت هربان من بلدك بسبب الثورة هلئ اوروبا دفعت ارواح ملايين البشر وقامت بثورات لحتى وصلت لهي المرحلة من الحياة .. بقا احمد ربك وكمل حياتك بما يتناسب مع قاتون البلد يلي عايش انت فيه.......
ودمتم
يا ريت من الكل يعمل شير للبوست ليوصل هالكلام لاكبر عدد ممكن.
انتهى المنشور.
.
.
.
كل ما ذكر بالبوست صحيح 100%
و نتمنى التوفيق والنجاح لكاتبه فلقد قدم هذه المعلومات بدون مقابل ولا يريد الا ان يستفيد الجميع.
كل هاد وبيكون لسا قاعد بالبلد مو طالع من مكانو وبدو يعرف كل شي قبل ما يسافر: هي نقطة
النقطة التانية يلي عم يوصل لهون مو عرفان كيف يبلش ولاحتى عرفان معنى البلد يلي وصل إلو ..رغم انو قبل ما يوصل لهون بيكون خاطر بحياتو لحتى يوصل وبس وصل بتلاقيه تسكرت ابواب الدنيا بوجهو وما بقى يعرف كيف يعيش شبه يوصل لمرحلو يقول (هي هي اوروبا يلي كنت احلم فيها)
انا رح خاطب الاثنين معا
اول شي يلي قاعد هنيك نصيحة لاتسمع من اي انسان بالدنيا ..يعني ناوي تسافر اتكل ع الله وسافر ومابدي ناقش كيف وشلون بدك توصل ..تاني شي لو حابب تسمع اسمع من حدى يكون صادق وعايش بنفس البلد يلي انت ناوي تسافر عليه...لا تسمع من حدى عايش ببلد تاني ..القوانين تختلف من مدينة لمدينة باوروبا
النقطة التانية يلي رح ناقشها بشكل مفصّل ومطول ...ويتمنى هالبوست يوصل لاكبر عدد ممكن من الناس يلي اجو جديد على اوروبا لحتى يستفيدو ويطلعو من حالة الضيعان يلي عايشينو ...
اول شي وصولك لاوربا نعمة من نعم الحياة يلي رزقك فيها ربك وخاصة بهيك وقت لاسباب كتيرة :
1- الاجئ كانو يوصل (وانا رح احكي عن عام 2009 تحديدا وبداية 2010 ) وقت بيروح يقدم لجوء بيروح ومابيعرف حالو اي سنة ممكن تخلص وراقو ... رح اشرح هي النقطة : بعد ما تقدم لجوء تروح على سنتر للاجئين مؤمن فيه كل شي اكل ونوم وطبابة ومستشارة قانوينة مشان يحطولك محامي مجانا
يعني ما تحتاج تنام بشارع او تحتاج حدى باي شي. مريض بيعالجوك .. ومحامي يتابع قضيتكم مع وزارة الداخلية.. النقطة المهمة هون تعود إلك وطريقة اندماجك بالسنتر او الكامب ..اذا كنت انسان فهمان تستغل الوقت وتتعلم لغة ..حتى لو ما لقيت مدرسة قريبة عليك تقتدر تفتح نت وتتعلم ومليان مواقع تعليم لغات لكل بلد بالعالم ..شو ما تعملت منيح احسن ما تقعد وتفكر وتتقعد....كنا ننتظر سنين لحتى تجي المقابلة وممكن تنتظر سنين لحتى يجيك الجواب ( انتو حاليا عم تتذمرو من اشهر) مو عرفانين النعمة يلي انتو فيها ابدا ..انو حاليا الوقت يلي انت مو عاجبك هو نقطة مهمة جدا لتبلش حياتك بطريقة سريعة روتين الوقت كتير صعب ... انا مثلا سنة ونص لحتى اجتني مقابلة وبعدها قبول بنفس السنتر كان في ناس الها 4 سنين وناس صرلها 10 سنين تتاابع قضيتها وما خلصت
,,,,,, بقى الله يخليكم احمدو ربكم صباحبا مساء على كم شهر وتكون اقامتك بجيبك
النقطة التانية مسألة القبول والرفض ...كان على زماننا نسبة القبول ما تتعدي 10بالميه او اقل بكتير احيانا انا وشي 8 لاجئيين اخدنا قبول والعدد الاجمالي كان شي 250 لاجئ ...تصور يا رعاك الله ( حاليا مافي بلد عم يعطي رفض للسوري ) ...والله صادفت ناس بالمحكمة وقت اخدت القرار بالقبول صرلها 8 سنين و10 سنين و13 سنة وانا كنت معصب على اساس انو راح سنة ونص من عمري بالسنتر ما عملت شي وقت شفت مصيبة غيري سكتت وحمدت ربنا ....
بعد القبول تبلش حياة جديدة انا سميتها ... الولادة من جديد
وهي النقطة يلي شفتها عند الكل انو مو عرفان كيف يبلش ..هون في 3 اصناف من البشر ناس متعلمة وعندها شهادات وناس مو متعلمة بس يمكن يكون عندها مصلحة وناس لاتعليم ولا مصلحة... كل هدول فيهم يعيشو باروربا بكرامة ويشتغلو وبعد كم سنة يصير انسان منتج ويعيش احلى حياة باالعالم وكل واحد يقول اوروبا مافيها شغل بيكون كزاب وابن ستين كزاب .....
لكن هون طريقة تعاملك مع الحياة هي تحدد نسبة نجاحك ا..يعني بعد ما تاخد وراق يا ترى كيف بدك تبلش وكيف بدك تتعلم لغة وكيف بدك تبلش حياتك
شوف حبيبي رح اعطيك مثال صغير ...مافي حدى يولد من بطن امو متعلم لغة بلد ما انولد فيها .. لا انا جيت احكي انكليزي من ولدت ولا انت ولا اي حدى منا
في سؤال كتير مهم يا ترى لو اجا دكتور سويدي على بلدك وحابب يشتغل بمشفى وبدك تشغلو (اذا ما بيعرف يحكي عربي كيف رح يتفاهم مع المرضى) يمكن يعطي دواء لحالة مريض تسبب وفاتو ..صح وله غلطنا ؟؟ جاوبني انت يلي عم تقراء البوست ....بعرف رح تقول صح.. كمل البوست للاخر في مفاجاءة..
اهم خطوة تعملها هي انك تتعلم لغة البلد يلي وصلت إلو بغض النظر وين ما كنت وبغض النظر كم عمرك0كان معي ناس اعمارهم 55 سنة ..اللغة هي مفتاح البلد بكل شي .. اللغة هي انك انسان اعمى وبس تعلمت تصير انسان بصير تشوف كل شي بالبلد .. ..هي كرامتك( احسن ما تدق وتذل حالك على هاد تعال ترجملي وهاد خدني على المشفى واحيانا يرد عليك واحيانا لا....ألخ)
اول خطوة تحفظ كرامتك ..تاني خطوة تعتمد على نفسك بكل شي وهي الطريقة لحتى تكمل الخطوة يلي بعدها مشان تكمل حياتك....في ملاحظة هون بدي اعطيها لطريقة تعلم اللغة ..الكل بيفوت وبدو بعد شهرين او اربعة او احيانا 6 انو بدو يتعلم ويحكي ..وهاد غلط
مخ الانسان لحتى يستوعب لغة جديدة عليه بدو اقل شي 2 سنتين هاد اقل احتمال وطريقة الاستيعاب تختلف من شخص لاخر ... يعني مو معقول بدك من شهر واحد تتعلم لغة او حتى 6 هاد كلام انساه حبيبي ..يعني ممكن اقبل منك لو قلت سنة كاملة بالمدرسة اوك ..ممكن اذا كنت نشيط وعم تدرس وتحكي مع ناس يحكو نفس اللغة
(تعلمو لغة بيدونها ما فيكم تعملو شي ابدا)
تاني خطوة متل ما قلنا انو صنفنا يلي بيجو 3 اصناف
اول صنف:::: الانسان يلي اجا معو شهادة ...بعد ما تتعلم لغة في شي اسمو معادلة شهادة وهي بصراحة لقيتها صعبة وسهلة ..صعبة انو بدك تدرس مواد تابعة للفرع يلي انت دارسو وتنجح وبعدين يعدلو شهادتك .. حسب شطارتك بالشي يلي دارسو انت ....
وسهلة انو اذا حطيت ببالك هدف ..واشتغلت عليه ..رح توصل باذن الله وتتوظف بالمجال يلي انت اصلا كنت مختارو
يعني اي واحد عندو شهادة يعدلها ويسجل بمكتب العمل وما رح يقعد اكتر من شهر انا واثق
....
الصنف التاني يلي عندو مصلحة وما عندو شهادة ..في شغلة حلوة باروبا انو اي شي بدك تشتغلو لازم يكون عندك شهادة فيه وهي طريقة رائعة لحتى الشخص يحس حالو عامل شي بحياتو ( حتو لو بدك تكنس شارع) لازم تكون عاملة دورة
ببلجيكا مثلا في حوالي 10الاف مهنة وكل اوروبا نفس الشيئ ..لكن كيف رح تلاقيهم بعرف كلكم ضايعين وما حدى وصل ل5 مهن بعرف كتير منيح.....يا حباب وانت عم تدرس بالمدرسة يلي انت فيها لغة ..وهاد نظام موجود بكل اوروبا ...جنب غرفة الاستعلامات رح تلاقي دفاتر زغيرة مطبوعة لمدراسة مهنية ...تقدر تفتح اي ورقة تلاقي فيها عنوان المكان عالنت وخريطة كيف توصل لعندهم وشو الافرع الموجودة (شوبدك احسن من هيك) ..
هلئ ينط واحد يقلي عنا مافي ....لا في بس بدك تسأل .. وبتعرف تسال مين استاذ اللغة نفسو يلي عم يدرسك هو رح يدلك .... واغلب البلدان في اوروبا بس وصلت لمستوى 4 باللغة هم نفسهم يعرضو عليك ويسالوك شو هدفك من تعلم اللغة ....انت هون رح تقول هدفي مثلا اتعلم بدي عدل شهادتي ..او هدفي بدي اتعلم المصلحة الفلانية ...ألخ
..
تروح على المركز وتاخد كورس بمهنتك ان شالله دهان وتاخد شهادة (وتروح على مكتب العمل ) وبرجع بقول يمكن تقعد شهر او اثنين بيدون شغل واقل من هيك لا ومستحيل كمان ..في مهن الشركات تبعها تروح عالمدراس تعرض عليك عمل وانت لساتك ما خلصت الكورس يلي عم تدرسو
الصنف التالت يلي لا شهادة ولا مصلحة (( والله العظيم انت احسن من الاثنين يلي فوق )) وما عم امزح رح قلك كيف انو انت احسن من الكل لنفرض وصلت بكالوريا بسوريا وجيت لهون يعني لا شهادة اخدت ولا مصلحة تعملت ..اي كتير حلو ....انت تفكر ابو الشهادة او المصلحة احسن منك لا عيني انت احسن من الاثنين ورح اشرحلك وادعيلي
بعد ما تتعلم لغة متل ما حكينا فوق وتحط هدف قدام عينك انو انت شو حابب تتعلم شو حابب تكون بحياتك ...اختار شي بتحبو (( وانا شخصيا انصح كل يلي بيجي على اوروبا يدرس مجال البرمجيات والكمبوتر والانترنيت ))) في نقص بكل دول اوروبا بهيك مجال وخاصة انو الحياة هون كلها عالنت ....
عندك مرشدة اجتماعية اكيد من المكان يلي بيعطوك فيه راتبك ..هي بتدلك وين المراكز يلي انت اخترها ..او من مدرستك او من مكتب العمل تروح لعندهم تقلهم انا ما عندي مهنة وحابب اتعلم ..يعني كل الابواب مفتوحة قدامك .... تتعلم وتتدرس وبعدين تشتغل
(( الوقت يلي بيروح وانت عم تتعلم لغة وبعدين مهنة هاد وقت مقدس .مو وقت ضايع متل انت ويلي حواليك عم تحكو ..هي ولادة جديدة انك تعلمت وصار عندك شهادة وان شالله تطول 4 سنين بهيك خطة مو مشكلة بس انت هون ضمنت مستقبلك وتغيرت حياتك لحياة افضل ..)))
هي كل القصة ....سهلة جدا .... وخطوات واقعية مافيها احلام... واي واحد عايش هلئ باروبا بيقدر يتأكد من هاد الكلام ...
(( انت مضيع حالك وهي مشكلتك ....بس لقيت حالك ..انت لحالك رح تنجح))
( كل هاد الوقت وراتبك المعيشي عم تقبضو ومواصلات مجانا وطبابة مجانا ..ودراسة مجانا )
شو بدكم احسن من هيك بدي افهم ...عم يقدمولك كل شي لحتى تصير بني ادم ...وانت مو رضيان ؟؟
حابب ترجع روح ارجع يمكن انت اخد مكان لشخص بيستاهلو اكتر منك ...
ملاحظة زغيرة: في بعض الكورسات البرمجية يلي انت تاخدها هون مجانا ومانك عاطي قيمة الها في ناس جايين من برى اوروبا يتعلمو ويدفعو على نفس الفرع يلي انت عم تتعلمو الاف الدولارات ...... شفت احد الافرع للغريب ب 35 الف يورور والي انا مجانا .... احمدو ربكم واشكروه وحاولو تبثو روح الامل بالشخص يلي بيجي جديد وتنصحو .....
يا عمي هي اوروبا مو لبنان بتحط الشنتايه على ضهرك بتوصل بتلاقي مطعم تشتغل فيه او ورشة باطون ...هي دول متقدمة جدا ..اذا انت هربان من بلدك بسبب الثورة هلئ اوروبا دفعت ارواح ملايين البشر وقامت بثورات لحتى وصلت لهي المرحلة من الحياة .. بقا احمد ربك وكمل حياتك بما يتناسب مع قاتون البلد يلي عايش انت فيه.......
ودمتم
يا ريت من الكل يعمل شير للبوست ليوصل هالكلام لاكبر عدد ممكن.
انتهى المنشور.
.
.
.
كل ما ذكر بالبوست صحيح 100%
و نتمنى التوفيق والنجاح لكاتبه فلقد قدم هذه المعلومات بدون مقابل ولا يريد الا ان يستفيد الجميع.
